今早去完覆診,就同安爺再去護協買嘢

第一站先去澳州牛奶公司食午餐,啲多士仍然咁正,跟住就上護協3樓睇吓啲家居同賀年食品,但好失望,因為啲嘢一啲都唔吸引,所以空手而回,然後落返2樓睇bb野,戰利品如下：

消毒綿x2、紗巾x12、安全扣針、床墊、BB床掛飾、和尚袍x3、包被！買咁多野,最令我鍾情嘅係...

今日9:30要去到健康院做產檢,一早起身就要不停飲水...

因為今曰要留2杯小便,一杯係要用嚟種菌(驗蛋白尿),另一個就留嚟到健康院驗糖尿！

政府啲野真係好麻煩,上次已做種菌,前日報告出咗,護士call我話報告正常,但醫生又想我驗多次,所以要我再去拎個樽仔返屋企,然後再帶尿返健康院做多次種菌Test！尋日我要特登走去拎個樽,唉！好彩咁啱今日要覆診,可以順便交埋咋,如果唔係又要行多轉

今日攪到11點幾先走得！好彩check所有野都正常,只係磅數高咗啲,今日上磅57.8kg,姑娘話對比2星期前,重成2.2kg就太多喎！應該1kg就標準,唉！我都控制唔倒架

今日亦係我最後一次去健康院啦！因為私家要2星期去1次,再睇埋政府就太煩啦！

今日嘅感覺非常虛無，因為今日就係知道有無機會升級嘅日子，而周太喺尋晚已經同我講結果得唔得都好，要第一時間通知周太，因為佢驚我唔開心...................

今日一早又去見巫醫生啦！

安爺今朝先收工,返到嚟冲個凉就陪我去咗飲早茶！坐小巴出去旺角時,安爺已瞓到隻死豬咁,好疲累,見佢成個謝哂！爸爸真偉大！

食完嘢！大約10:00去到醫務所,今日等咗25分鐘先到我地,又係驗尿、量血壓、磅重,好彩全部合格！居然無蛋白尿喎,太好啦！希望健康院份報告都係pass就好la...

又買BB嘢啦！上星期同同事食完Lunch走咗去Baby Outlet買嘢！

跟住收工又走咗去鑽石山廣場Bon Baby度買衫仔,點解要去呢兩度買嘢？

因為識人有折囉等我update吓買咗咩先！

今日係平安夜小B已30 week 2Day 啦！距離開刀日仲有8星期好期待！

今日第一個節目係...9:00am去健康做定期檢查！

磅重同量血壓都好正常！點知驗尿個part居然check到我有蛋白尿,仲check咗2次都係有！真係唔明點解？

今日走咗落太古城行吓,先去吉之島睇bb野,嘩！啲野同護協比,貴好多喎,佢今日做緊優惠,買$100減$15,但都唔抵(我之前網上訂嘅chu chu奶瓶、沖涼液...樣樣都平過佢)啲 BB衫又唔靚又貴,所以無嘢買到

跟住走咗去永安睇嘢,咁啱今曰係佢地最後一天優惠日,好！睇吓有乜野買先......

今日係29 WEEK 2 DAY,呀b對比上星期又大咗啦！